Панно

Пішіні төртбұрышты. Панноның орталық бөлігінде Ватикандағы Әулие Петр бақтарының көрінісі бейнеленген. Алдыңғы қатарда қолын батасын беру ишарасымен көтерген Әулие Петрдің қола мүсіні орналасқан. Мүсін 1870 жылы мүсінші Филиппо Гнаккаринидің Бірінші Ватикан экуменикалық кеңесіне арналған ескерткіштің төбесіне орнату үшін жасаған туындысы болып табы��ады. Ескерткіштің жобасын сәулетші Вирджинио Веспиньяни әзірлеген. Алғашында Монториодағы Әулие Петр шіркеуінің алдындағы алаңға орнату жоспарланғанымен, 1885 жылы Ватикандағы Cortile della Pigna ауласына қойылып, 1936 жылы қазіргі орнына – Ватикан бақтарындағы Бүркіт субұрқағына қарама-қарсы орналасқан алаңға көшірілген. Артқы фонда Әулие Петр соборының алып күмбезі, ал сол жағында 1475–1481 жылдары Рим Папасы Сикст IV-тің бұйрығымен салынған Сикстин капелласының көрінісі берілген. Сикстин капелласы Микеланджело Буонарротидің әйгілі фрескаларымен және Рим Папасын сайлайтын конклавтың өтетін орны ретінде әлемге танымал. Композиция өсімдік және гүл тектес өрнектермен безендірілген сәндік жиекпен қоршалған. Сыртқы бөлігі қызыл түсті жақтаумен көмкерілген. Панно Ватиканның діни-мәдени мұрасы мен сәулет өнерінің көрнекті нысандарын бейнелейтін естелік бұйым болып табылады. Экспонат Қазақстан Республикасы Президенті Қасым-Жомарт Кемелұлы Тоқаевқа тарту етілген. Қораптың қақпағында: «Қазақстан Республикасының Президенті Қасым-Жомарт Тоқаев Мәртебелі мырзаға. 19 қаңтар 2024 жыл» деген естелік жазба бар. Бұл жазба жәдігердің ресми дипломатиялық сыйлық ретінде тапсырылғанын айғақтайды.

В белую коробку вложена керамическая плитка с изображением памятника и Собора Святого Петра. На крышке коробки памятная надпись на имя Президента РК К. Токаева